ОАВ: Британия ҳукумати Brexit’ни кечиктиришга қарор қилди

Фото: REUTERS/Henry Nicholls

Буюк Британия ҳукумати Brexit’ни икки ойга кечиктириш имкониятини ўрганиб чиқмоқда. Бу ҳақда The Daily Telegraph манбаларга таянган ҳолда хабар берди.

Нашр маълумотларига кўра, Британия бош вазири Тереза Мэй бундай илтимос билан расмий равишда ЕИга мурожаат қилишни режалаштирмоқда.

Қайд этилишича, Британия ҳукумати Brexit атрофидаги вазиятни боши берк кўчадан олиб чиқиш учун икки ой етарли бўлади, деб ҳисобламоқда.

Эслатиб ўтамиз, аввалроқ Лондоннинг Brexit бўйича янги таклифлари ошкор бўлганди.