Наманган вилояти ҳокимининг иқтисодиёт ва тадбиркорлик масалалари бўйича биринчи ўринбосари тайинланди.
Вилоят матбуот хизмати хабар қилишича, Наманган вилояти ҳокимининг 2019 йил 26 февралдаги 144-сонли қарори билан Аюбхон Арибжанович Камалов Наманган вилояти ҳокимининг иқтисодиёт ва тадбиркорлик масалалари бўйича биринчи ўринбосари лавозимига тайинланган.
У бу лавозимда 2017 йилнинг августидан буён ишлаб келаётган Алишер Файзуллаев ўрнида иш бошлади.
Аюбхон Камалов 1971 йилда Наманган шаҳрида туғилган, 1993 йили Ленинград қишлоқ хўжалиги институтини, 2001 йили Наманган муҳандислик-педагогика институтини (сиртқи) тамомлаган.
У 2017 йилда Молия вазирлиги Инвестиция бошқармаси бошлиғи ўринбосари, 2017-2019 йилларда Вазирлар Маҳкамаси ҳузуридаги тадбиркорлик фаолиятини ривожлантиришни қўллаб-қувватлаш давлат жамғармаси ижрочи директори лавозимларида ишлаган.