Япония Ҳиндистон ва Покистонни вазминликка чақирди

Фото: EPA/KIMIMASA MAYAMA

Япония ташқи ишлар вазири Таро Кононинг маълум қилишича, Токио Ҳиндистон ва Покистонни ҳозирги можарога мулоқот йўли билан ечим топишга чақиради. Бу ҳақда ТАСС хабар бермоқда.

«Япония Кашмирдаги вазият кескинлашиб кетганидан хавотирга тушмоқда», - деди Коно.

Шунингдек, унинг қўшимча қилишича, Токио Исломободни террорчиларга қарши қатъий чоралар кўришга чақиради.

Кононинг қайд этишича, Япония ҳар икки томонни ҳам вазмин бўлишга чақиради.

Эслатиб ўтамиз, аввалроқ Покистон ва Ҳиндистон яна бир-бирига ўт очганди.

Тайёрлаган Отабек Матназаров

#Ҳиндистон #Япония #Покистон

14 февраль куни Покистон ҳудудида ўрнашган «Жайш-э-Муҳаммад» террорчи гуруҳи Кашмирда Ҳиндистон армияси ҳарбийлари колоннаси ўтаётган йўлда теракт содир этиши натижасида 46 нафар ҳинд ҳарбийси ҳалок бўлди. Бу воқеа ортидан Покистон ва Ҳиндистон муносабатларида можаро яна авж олди.