Қорақалпоғистон ИИВ тизимида янги тайинловлар бўлди​

Қорақалпоғистон Республикаси Ички ишлар вазирлигининг марказий аппаратида ва ҳудудда раҳбарлик лавозимларида тайинлов юз берди.

Маълум қилинишича, подполковник Аманбай Оринбаев Қорақалпоғистон Республикаси Ички ишлар вазирининг жамоат тартибини сақлаш бўйича ўринбосари лавозимига тайинланган.

Шунингдек, Қорақалпоғистон Республикаси Нукус шаҳар ички ишлар органлари фаолиятини мувофиқлаштириш бошқармаси бошлиғи лавозимига подполковник Хуршид Очилов тайинланган.

Эслатиб ўтамиз, ижтимоий тармоқдаги ИИВ тизимидаги ўзгаришлар бўйича ИИВ матбуот хизмати маълумот берганди.

Унга кўра, Пўлат Бобожонов айни вақтда ўз лавозимида фаолиятини давом эттирмоқда.