ОАВ: Тереза Мэй вазирлар маҳкамаси қўллаб-қувватловидан маҳрум бўлди

Фото: Christopher Furlong/PA via AP

Буюк Британия бош вазири Тереза Мэй Brexit атрофидаги вазият туфайли вазирлар маҳкамасининг қўллаб-қувватловидан маҳрум бўлди. Бу ҳақда The Daily Telegraph хабар бермоқда.

Нашр маълумотларига кўра, Британия ҳукуматидаги фақатгина икки вазир Мэйни қўллаб-қувватлашда давом этмоқда.

Қайд этилишича, Британия вазирлар маҳкамасининг кўпчилик аъзолари Мэй июль ойидан кечикмасдан истеъфога чиқишини хоҳлаяпти.

Шу билан бирга, вазирлар маҳкамасидагилар фикрича, Мэй ЕИ билан Brexit бўйича келишув юзасидан Британия парламенти розилигини олиш имконига эга бўлмайди.

Бундан олдин, Европарламент Brexit кечиктирилиши мумкинлигини истисно этмаганди.