Америка кубоги жуфт йилларда ўтказиладиган бўлди

ФИФА Америка кубогининг 2020 йилги мусобақадан бошлаб жуфт йилларда ўтказилишини тасдиқлади. Бу ҳақда ФИФА президенти Жанни Инфантино маълум қилди. 

2018 йил 26 октябрда ФИФА Жанубий Америка футбол конфедерациясининг (КОНМЕБОЛ) Америка кубоги ўтказилиши йилларини ўзгартириш ҳақидаги мурожаатини маъқуллаган. Мусобақа жорий йилда Бразилияда 14 июндан 7 июлгача ўтказилади. 2020 йилдан эса янги циклга ўтиб, Европа чемпионати билан синхронлаштирилади, яъни у билан бир йилда ўтказилади. Мусобақа ҳар 4 йилда жуфт йилларда ўтказилади.

Америка кубоги 2020 йилда 12 июндан 12 июлгача тарихда илк бор иккита давлатда – Аргентина ва Колумбияда бўлиб ўтади.

Шунингдек, ФИФА кенгашининг 15 март куни Майамида ўтган йиғилиши якунларига кўра, пляж футболи бўйича 2019 йилги жаҳон чемпионати Парагвайда 21 ноябрдан 1 декабргача ўтиши маълум қилинди    

Бундан ташқари, мини-футбол бўйича жаҳон чемпионати 2020 йилда Литвада 12 сентябрдан 4 октябргача ўтиши белгилаб олинди.