Спорт | 11:48 / 16.03.2019
22408
1 дақиқада ўқилади

КХЛда Ўзбекистон клуби пайдо бўлади

Фото: РИА Новости / Алексей Филиппов

Континентал хоккей лигасида янги иштирокчи пайдо бўлиши мумкин - Ўзбекистон клуби. Бу 2022 йилги Олимпия ўйинларидан кейин содир бўлади. Аввалига, клуб Юқори хоккей лигаси (ВХЛ)да дебют қилади. Бу ҳақда КХЛ вице-президенти Виталий Прохоров маълум қилди, деб хабар бермоқда Vesti.

«Ҳозирча бизда Ўзбекистонда ВХЛ жамоасини ташкил этиш режалари бор, у келаси мавсумдаёқ лигага қўшилади, - дея Прохоровнинг сўзларини келтирган Чемпионат.com. - Клуб тажриба орттириши керак, кейинчалик эса - Пекин Олимпиадасидан сўнг, КХЛ таркибига кириши мумкин».

Унинг билдиришича, КХЛда ривожланиш стратегияси мавжуд ва назарий жиҳатдан Марказий Осиё дивизионида «Куньлунь», «Барис», Корея, Япония ҳамда Хитой жамоалари, шунингдек, Узоқ Шарқдан клублар иштирок этиши мумкин.

Бундан олдин, Шавкат Мирзиёев Тошкент шаҳар ҳокимига Россия хоккейи юлдузларига квартиралар тақдим этиш ҳақида кўрсатма бергани хабар қилинганди.

Мавзуга оид