ОАВ: Жазоир президенти истеъфога чиқишга қарор қилди

Жазоир президенти Абдулазиз Бутефлика истеъфога чиқиш тўғрисида эълон қилишни мўлжалламоқда. Бу ҳақда Reuters хабар берди.

Агентлик маълумотларига кўра, Бутефлика мамлакат конституциясининг 102-моддасига мувофиқ ўз истеъфоси ҳақида эълон қилишга тайёргарлик кўряпти.

Таъкидланишича, Жазоир президенти 2 апрель куни бу ҳақдаги қарор тўғрисида маълум қилишни режалаштирмоқда.

Бундан олдин, Жазоир қуролли кучлари бош штаби раҳбари мамлакат президенти Абдулазиз Бутефликадан ўз мажбуриятларини бажаришга лаёқатсизлигини эълон қилишни талаб этганди.