Ирландидялик аралаш яккакураш жангчиси Конор Макгрегор Мутлақ жангчилик чемпионати UFC’нинг тақиқланган моддалар аниқланмаган, яъни манфий допинг-тестлари сони бўйича етакчиси бўлди.
“Тоза” жангчилар рейтинги АҚШнинг аксилдопинг агентлиги USADA маълумотларига асосланиб тузилган. Бу маълумотлар билан UFC вице-президенти Жефф Новицки твиттерда бўлишди. Унинг маълум қилишича, Макгрегор 49 та манфий допинг-тест топширган. Улардан 11 таси Макгрегордан Флойд Мэйуэзерга қарши жанг олдидан олинган.
Бу борада 2-ўринни UFC’нинг оғир вазндаги амалдаги чемпиони Даниель Кормье эгаллади. Унинг манфий допинг-тестлари сони 45 тани ташкил қилган. 3-ўринни бразилиялик жангчи Рафаель Дос Аньос (41 та манфий допинг-тест), 4-ўринни америкалик аёл жангчи Холли Холм, 5-ўринни яна бир америкалик жангчи Стипе Миочич эгаллаган.
30 ёшли Макгрегор ўз фаолияти давомида 21 та ғалабани қўлга киритган ва 4 марта мағлубиятга учраган. У 2 вазн тоифасида UFC чемпиони камарини қўлга киритган.
