Залмай Халилзод Ўзбекистонга келяпти

Фото: Wikipedia

Ташқи ишлар вазирлиги АҚШ делегациясининг Ўзбекистонга бўлажак ташрифи тўғрисида маълумот берди.

Қайд этилишича, 2019 йилнинг 10 апрель куни Тошкент шаҳрига АҚШнинг Афғонистондаги ярашиш масалалари бўйича махсус вакили Залмай Халилзод бошчилигидаги делегация ташриф буюради.

Икки томонлама маслаҳатлашувлар чоғида Афғонистондаги вазият ва афғонлараро тинчлик музокаралари механизмини йўлга қўйиш истиқболлари юзасидан фикр алмашиш, Ўзбекистон ташаббуси билан Афғонистонда ижтимоий-иқтисодий ва инфратузилма лойиҳаларини амалга ошириш масалаларини муҳокама қилиш режалаштирилмоқда.