Шаҳрисабзда яқин қариндошлар ўртасидаги жанжал пичоқбозлик билан тугади

2019 йил 13 апрель куни Қашқадарё вилоятининг Шаҳрисабз тумани Оқ олтин қишлоғида яшовчи Т.И. маст ҳолда шу қишлоқда яшовчи укаси Ҳ.И.нинг уйи олдида ўзаро жанжал оқибатида укасининг бирга яшовчи турмуш ўртоғи М.Х.га пичоқ билан жароҳат етказган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, шу вақтда Ҳ.И. акаси Т.И.нинг қулоғига тош билан урган.

Шундан сўнг Т.И. укасини ҳам пичоқ билан жароҳатлаган. Натижада эр-хотин касалхонага ётқизилиб, Т.И. қўлга олинган. 

Ҳолат юзасидан жиноят иши қўзғатилиб, тергов ҳаракатлари олиб борилмоқда, дейилади хабарда.