Жанубий Кореянинг ўт ўчирувчи вертолёти Шимолий Корея ҳудудига ўтиб кетди
Жанубий Кореянинг Шимолий Корея билан чегарадош ҳудудда ёнғинни ўчиришда иштирок этаётган ўт ўчирувчи вертолёти тасодифан қўшни давлат ҳудудига ўтиб кетди. Бу ҳақда Yonhap ахборот агентлиги хабар берди.
Жанубий Кореянинг ўрмон хўжалиги бошқармасига тегишли бўлган вертолёт Хвачхон уездидаги ўрмон ёнғинларини ўчиришга жалб қилинган бўлган. Вертолёт ўт ўчириш вақтида Шимолий Корея ҳудудига 1,7 км кириб кетган. Учувчи бир дақиқадан кейиноқ хатосини англаб, тезда Жанубий Кореяга қайтган.
Ахборот агентлигининг таъкидлашича, Жанубий Корея воқеа ҳақида дарҳол Шимолий Кореяга хабар берган ҳамда юз берган ҳодиса атайин қилинмагани ва иғво характерига эга эмаслигини маълум қилган. Сеулда бундай воқеалар бошқа қайтарилмаслигига ваъда берилган.
Мавзуга оид
22:29 / 03.10.2024
Жанубий Корея президенти рафиқасидан порахўрлик айблови олиб ташланди
01:17 / 02.10.2024
Жанубий Корея КХДРнинг ер ости бункерларини ҳам яксон этишга қодир энг кучли ракетасини намойиш этди
23:13 / 27.09.2024
Шимолий кореялик ҳакерлар Германиядаги қуролсозлик компаниясига ҳужум уюштирди
14:20 / 27.09.2024