Фото: Global Look Press/Zhang Jianhua
Непалнинг Хумла туманида 200 дан кўпроқ киши номаълум касалликка учради. Улардан 10 нафари вафот этган. Бу ҳақда “Синьхуа” ахборот агентлиги хабар берди.
Маълум қилинишича, касаллик бир ҳафта олдин туманнинг бир нечта қишлоғида тарқалган. Вафот этганларнинг аксарияти кексалар ва болалар бўлган. Маҳаллий ҳукумат касаллик тарқалишини тез орада назорат остига олишга ваъда берган.
Таъкидланишича, ушбу касалликнинг авж олиши деярли ҳар йили юз беради. Айни вақтда шифокорлар бу қандай касаллик эканлигини аниқлашга ҳаракат қилишмоқда.
