Дубай нафақат қимматбаҳо ва ҳашаматли меҳмонхоналари, балки ғаройиб, деярли эртакмонанд архитектура лойиҳалари билан ҳам машҳур. Ана шундайлардан бири Мўъжизалар боғи. У бир неча йил давомида кимсасиз саҳрода барпо этилгани, ҳозир эса дунёдаги энг катта гуллар боғига айлангани билан диққатга сазовор.
Бу ерда бўлганларнинг бари бир овоздан у дунёнинг саккизинчи мўъжизаси экани, уни ҳеч бўлмаганда бир марта бўлса-да кўриш кераклигини айтишади. Мазкур боғ бўйлаб сайр қилиш ва унинг бетакрор гўзаллигидан баҳраманд бўлишни таклиф этамиз.
Боғ майдони – 6,7 гектар. Бу ерга бутун дунёдан жами гулларнинг 50 дан ортиқ турлари келтирилган. Улардан эса ҳайкал, девор, пирамида ва миноралар қурилади.
Боғнинг асосий безаги – петуния (гуллари карнайсимон манзарали ўсимлик). Уларни ёронгул, колеус, ҳамишабаҳор гули ва бошқалар тўлдиради.
Периметри бўйлаб боғга дарахтлар экилган.
Боғ баландлиги 3 метр ва 800 метр узунликка чўзилган ғаройиб гуллар девори туфайли Гиннес рекордлар китобига киришга улгурди.
Паркда кўплаб инсталляциялар мавжуд. Улардан энг машҳури – кўплаб Европа шаҳарларида севилиб улгурган соябонлар.
Суғориш учун томчилаб суғориш тизимидан фойдаланилади. Бу ҳам сувни, ҳам электр қувватини тежайди.
Дизайнерларнинг фахри – 10 метрли гулли минора. У инсон ва табиат бирлигининг рамзи.
Ҳар йили боғдаги ўсимликлар сони ортмоқда. Дизайнерлар эса бирор янги нарса ўйлаб топишдан чарчашмаяпти.
Мазкур гўзалликнинг бари – саҳро марказида.
