Тошкент–Дубай йўналишидаги қатор рейслар бекор қилинди

Яқин Шарқ минтақасидаги вазият муносабати билан Uzbekistan Airways авиакомпанияси Тошкент–Дубай–Тошкент йўналишидаги айрим рейслар бекор қилинганини маълум қилди.

Фото: Kun.uz

Маълум қилинишича, 2026 йил 24, 26, 27 ва 29 март кунларига белгиланган HY333/334 рейслари амалга оширилмайди.

Авиакомпанияга кўра, бекор қилинган рейслар йўловчилари чипталарини авиакомпаниянинг исталган кейинги рейсларига бепул қайта расмийлаштириши ёки чипта харид қилинган жой орқали маблағларни тўлиқ қайтариб олиши мумкин.

Қўшимча маълумот учун Uzbekistan Airways ягона алоқа марказига (+998 78 140 02 00) ёки авиакомпаниянинг БААдаги ваколатхонасига (+971 4 256 88 14) мурожаат қилиш мумкин.