Республиканинг барча ҳудудларида бўлгани каби Навоий вилоятида ҳам 9 май – Хотира ва қадрлаш куни муносабати билан Иккинчи жаҳон уруши қатнашчилари, фронт орти фахрийларига давлат ва жамоат ташкилотлари томонидан алоҳида эҳтиром кўрсатилмоқда.
Бу эъзоз эса қонли жанггоҳларда бугунги тинч ва осуда кунларимиз учун курашган нуронийларимизнинг кўнглини хушнуд этмоқда.
Навоий вилоятида бугунги кунда Иккинчи жаҳон уруши қатнашчилари бўлган 37 киши истиқомат қилиб, доруломон кунларга шукрона, юртга тинчлик ва қут-барака сўраб, ҳаёт гаштини сурмоқда.
Вилоят ҳокимлиги, жамоат ташкилотлари вакиллари ҳамда ҳарбийлар ва ёшлар Нурота туманида яшовчи уруш ва меҳнат фахрийлари хонадонида ҳам бўлдилар. Давлатимиз раҳбари номидан 7 миллион 500 минг сўм миқдордаги мукофот пули ҳамда эсдалик совғалари ўз эгаларига топширилди.
