Ўзбекистон қишлоқ хўжалигида дронлардан фойдаланилади - Президент

Ўзбекистон Президенти Шавкат Мирзиёев Андижон вилояти ҳокимлигида ўтказилган фаоллар йиғилиши давомида қишлоқ хўжалигида жорий этиладиган инновациялар ҳақида гапирди.

«Кеча яқинда Миссисипи штати губернатори Филипп Брайант бошчилигидаги делегация келди. Кўп шартномаларга қўл қўйдик. 40та компания вакиллари келди.

Қўшма корхона тузилади. Улар қишлоқ хўжалигида дрон ишлатади. Биз ҳозир вертолёт ишлатамиз, лекин бу қиммат.

Дронларни олиб келиб, Андижонда далаларнинг тепасига қўйиб қўямиз. Ҳамма ҳисоб-китобларни қилиб туради.

Лекин қурилмаларни ишлатиш учун ҳам ақлли одамлар керак. Одамларимиз информацион технологияларни ўрганиши керак. Келгуси йилда шартнома қилсак, мутахассисларни ҳам ўқитамиз», дея президентнинг сўзларини келтирмоқда Kun.uz мухбири.