АҚШ Эронга музокаралар ўтказиш таклифи билан 8 марта мурожаат қилган

Фото: EPA

Эрон президенти Ҳасан Руҳоний АҚШ Теҳронни бир неча маротаба музокаралар бошлашга чақирган, давлат департаменти эса 8 та расмий мурожаат йўллаган. Бу ҳақда 20 май куни Руҳоний матбуот хизмати маълум қилди.

Руҳоний Эрон иқтисодий уруш ҳолатида тургани ва мамлакат АҚШга қаршилик кўрсатиши кераклигини айтган.

“Мен музокаралар ва дипломатияни қўллаб-қувватлайман, бироқ ҳозирги шароитларда буни ўринли деб ҳисобламайман. Менинг БМТга аввалги сафарим вақтида дунёнинг ҳаммага маълум 5 етакчиси АҚШ президенти билан музокараларда воситачилик қилишни таклиф қилди. Уларнинг давлат департаменти ҳам бизга илтимос билан 8 марта мурожаат қилган”, деб таъкидлаб ўтган Руҳоний.

Эрон президентининг айтишича, Вашингтоннинг таклифига қарамасдан, “бугун музокаралар ўтказиш эмас, қаршилик ва матонат кўрсатиш вақтидир”.

Тайёрлаган: Шуҳрат Раҳимов

#АҚШ #Эрон