Қозоғистон иккита АЭС қурилиши бўйича тендер эълон қилди 

Қозоғистонда иккита атом электр станциясини қуриш бўйича тендер эълон қилинди, дея хабар бермоқда ОАВ.

АҚШ, Хитой, Россия, Жанубий Корея ва Франция-Япония консорциуми Қозоғистонда иккита АЭС қуриш учун тендерда кураш олиб боради. Тендер ғолиби 2019 йил сентябрь ойида аниқланади. Маълум бўлишича, тендерда Росатом, Хитой Миллий ядровий корпорацияси (CNNC), NuScale Power (АҚШ), EDF-Mitsubishi (Франция, Япония) консорциуми иштирок этишни режалаштирган.

Жанубий Кореянинг Korea Hydro & Nuclear Power (KHNP) давлат корпорацияси 31 май куни Қозоғистонда иккита АЭС бўйича лойиҳалаш, харид қилиш ҳамда қуришда иштирок этиш ниятида эканини маълум қилди, деб хабар беради BussinesKorea. KHNP тендерда қатнашиш учун ариза топшириб, АЭС лойиҳаси бўйича таклиф киритди. Унда қурилишга оид тафсилотлар ҳамда баҳолашлар маълум қилинган ва технологик қувватлар, молиявий имкониятлар юзасидан маълумот берилган.