Винисиусдан Роналду ёки Мессидан бирини танлашни сўрашди

Фото: AFP

«Реал» вингери Винисиус Жуниордан «Ювентус» ҳужумчиси Криштиану Роналду ва «Барселона» сардори Лионель Мессидан қай бирини танлаши ҳақида сўрашди.

«Месси – фантастик ўйинчи, тарихдаги энг яхши футболчилардан. Криштиану ёки Мессидан қайси бири билан бирга ўйнашни афзал кўришимни танлашим қийин. Иккиси билан ҳам ўйнаб кўрмаганман, шунинг учун, билмасам...

Мен Бенземани танлаган бўлардим. У менга доимо майдонда ёрдам бериб келган», – деган Винисиуснинг сўзларини келтирди Fox Sports.

Эслатиб ўтамиз, келаси ойда 19 ёшга тўладиган ҳужумчи бир йил олдин «Фламенго»дан «Реал»га ўтганди. Унинг трансфери 45 млн еврога тушган.

Винисиус Испаниядаги илк мавсумида «қироллик клуби»нинг асосий жамоасида барча мусобақалар доирасида 31та ўйинда майдонга тушди ва 3та гол уриб, 12та голга ассистентлик қилди. У, шунингдек, жамоа ўринбосарлари таркибида 5та ўйин ўтказди.

#Винисиус Жуниор