Трамп, Абэ ва Моди бир-бирини антиқа қутлади

Фото: EPA-EFE/Carl Court/POOL

АҚШ президенти Дональд Трамп, Япония бош вазири Синдзо Абэ ва Ҳиндистон бош вазири Нарендра Моди Япониянинг Осака шаҳрида ўтаётган “Катта йигирматалик” саммитида бир-бирларини “муштга мушт уриш билан” қутлади. Ҳинд телеканали намойиш қилган ушбу ҳолат видеоси билан россиялик журналист Дмитрий Смирнов ўз Telegram-каналида бўлишди.

Видеода уч етакчи дастлаб суратга тушаётгани, сўнгра Трампнинг ташаббусига кўра дўстона тарзда “мушт уришиб қўяётгани” ва шундан кейин кулишиб қўяётганини кўриш мумкин.

PM @narendramodi holds trilateral meeting with US President Donald Trump, Japanese PM Shinzo Abe in #Osaka ahead of formal opening of #G20Summit. pic.twitter.com/AHHaA7b6cC
— All India Radio News (@airnewsalerts) June 28, 2019

Аввалроқ Трамп саммит доирасида Россия президенти Владимир Путин билан учрашувни ҳазил билан бошлаган. АҚШ президенти россиялик ҳамкасбига “Илтимос, сайловларга аралашмагин”, деб қўйган.