АҚШ Мадуронинг ўғлига қарши санкциялар жорий қилди

Фото: Getty Images

АҚШ Венесуэла миллий таъсис йиғини аъзоси, президент Николас Мадуронинг ўғли Николас Эрнесто Мадуро Геррани санкциялар рўйхатига киритди. Бу ҳақда АҚШ молия вазирлиги хабар қилди.

“Мадуро Герра ташвиқот учун саъй-ҳаракатлар амалга оширган ва цензура қўллаган, Николас Мадуро ва унинг рафиқаси Силия Флорес билан бирга конлардан даромад олган. Жорий йил бошида Мадуро Герра мамлакатга гуманитар ёрдам етказилишини Венесуэладаги демократияга путур етказиш деб таърифлаб, Венесуэла миллий қуролли кучларига уни рад этиши учун босим ўтказган”, дейилган хабарда.

АҚШ молия вазирлигининг таъкидлашича, Мадуронинг ўғли конларни ўзлаштиришдан ноқонуний даромад олган.

Тайёрлаган Шуҳрат Раҳимов

#АҚШ #санкция #Николас Мадуро

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди