Қўшимча функционаллар
-
Тунги кўриниш
Жаҳон | 22:58 / 01.07.2019
41789
1 дақиқада ўқилади
Эрон Исроилни ярим соат ичида йўқ қилиб юборишини билдирди
Агарда АҚШ Эронга ҳужум қилгудек бўлса, Исроил ярим соат ичида йўқ қилиб ташланади. Эрон парламенти миллий хавфсизлик масалалари бўйича қўмитаси раҳбари Мўжаба Зоннур ана шундай баёнот билан чиқди, деб хабар берди Reuters.
«Агарда АҚШ бизга ҳужум қилгудек бўлса, Исроил атиги ярим соат яшайди», — деди у.
Аввалроқ Америка президенти Дональд Трамп АҚШ билан Эрон ўртасида уруш бошланадиган бўлса, бу уруш жуда тез якунланишини билдирганди.
25 июнь куни Трамп Вашингтон Эроннинг ҳар қандай ҳужумига кучли жавоб қайтаришини айтганди. Бунгача эса Эрон президенти Америка президентини ақли заифликда айблаганди.
