Тунисда беларуслик икки фуқаро жосусликда гумонланиб қўлга олинди

Тунис шарқидаги Сфакс шаҳрида беларуслик икки фуқаро жосусликда гумонланиб қўлга олинди. Бу ҳақда Туниснинг Mosaique FM радиостанцияси хабар берди.

Хабарда айтилишича, гумонланувчилар икки ҳафтадан ортиқ вақт давомида шаҳардаги меҳмонхоналардан бирида туришган ва ўз хоналарига меҳмонхона хизматчиларини киритишмаган. Тинтув вақтида улар турган хонадан компьютерлар, мобиль телефонлар, электрон чиплар ва бошқа техник қурилмалар ҳамда Украина, Польша ва Мальдив паспортлари топилган.

Олинган барча буюмлар Тунис ички ишлар вазирлигига жўнатилди, деб хабар беради радиостанция.