Европанинг энг йирик навигация тизими ишдан чиқди

Фото: Global Look Press

Европанинг глобал навигацион сунъий йўлдош тизими Galileo ишдан чиқди. Бу ҳақда Reuters ахборот агентлиги хабар берди.

Маълум қилинишича, фойдаланувчилар космик станциялардан навигация сигналларини ишлата олмаяптилар. Таъкидланишича, муаммо Италиядаги аниқ вақт мажмуаси билан боғлиқ. Айни вақтда бирорта ҳам сунъий йўлдош ишламаяпти.

Galileo – Европа иттифоқи ва Европа коинот агентлигининг сунъий йўлдош навигация тизими қўшма лойиҳаси бўлиб, у “Трансевропа тармоқлари” транспорт лойиҳасининг бир қисми ҳисобланади. Galileo тизими юқори сифатли навигация хизматларини тақдим этиш учун мўлжалланган. У АҚШнинг GPS ва Россиянинг ГЛОНАСС тизимларига ўхшаш бўлиб, улардан фарқли, фақатгина фуқаролик мақсадларида қўлланади.

Тайёрлаган: Шуҳрат Раҳимов

#Европа #навигация тизими