Фото: REUTERS
Афғонистоннинг Урузғон вилоятидаги Ғизоб туманида хорижий қўшинларнинг авиазарбалари натижасида 35дан ортиқ тинч аҳоли ҳалок бўлди, деб маълум қилди маҳаллий парламент аъзоси Қудратулла Раҳими.
Маҳаллий аҳолининг сўзларига кўра, авиазарбалар Америка қўшинлари “Толибон” жангарилари истеҳкомига ҳужум уюштириб, қаршиликка учраганидан сўнг берилган.
Тинч аҳолидан ташқари, олти нафар жангари ҳам ҳалок бўлгани айтилмоқда.
Асосан толиблар назоратида бўлган Ғизоб тумани ҳукумати ушбу хабарни изоҳламади.
