Фото: AP Photo / Abdulnasser Alseddik
Саудия Арабистони бошчилигидаги араб коалицияси Яман пойтахти шимолидаги Ар-Рауд туманида жойлашган ҳарбий факультетга икки марта зарба берди, деб хабар қилди РИА Новости ҳарбий манбага таяниб.
"Коалиция ҳарбий факультет биносига икки марта зарба бериши натижасида бинога жиддий зарар етди", - деди манба.
Коалиция самолётлари шунингдек, собиқ президент гвардияси жойлашган ҳудуддаги лагерга ҳам зарбалар берган.
Хусийлар ва Яман президенти Абд Раббу Мансур Ходи кучлари ўртасидаги қарама-қаршилик тўрт йилдан буён давом этмоқда.
