Афғонистоннинг турли вилоятларида ўтказилган операциялар давомида бир сутка ичида "Толибон" ҳаракатининг камида 18 нафар жангариси йўқ қилинди. Бу ҳақда Khaama Press агентлиги хабар берди.
Хабарда айтилишича, 10 нафар жангари Ғазни ва Пактия вилоятларида ўтказилган операциялар давомида ўлдирилган.
Жангарилар авиазарбалар оқибатида ҳалок бўлишган. Рейдлар давомида шунингдек, тўртта қўлбола портловчи мослама зарарсизлантирилган.
Рейдлар шунингдек, Ғилминд, Қундуз, балх ва Урузғон вилоятларида ўтказилган. Операциялар давомида жангариларнинг қурол омбори, қўлбола портловчи қурилмалар ва 300 кг портловчи модда йўқ қилинган.
