Америка футбол лигасида (американча футбол) иштирок этувчи “Даллас Ковбойс” клуби Forbes нашри талқинига кўра дунёнинг энг қиммат клуби деб топилди.
Клубнинг нархи 5 млрд долларга баҳоланган.
Рейтингнинг 2-ўрнини “Нью-Йорк Янкис” бейсбол клуби (4,6 млрд доллар) ва 3-ўрнини Испаниянинг “Реал Мадрид” клуби (4,24 млрд доллар) эгаллаган.
Етакчи бешталикдан “Барселона” футбол клуби (4,02 млрд доллар) ва АҚШнинг “Нью-Йорк Никс” баскетбол клуби (4 млрд доллар) ўрин олган.
Рейтингнинг етакчи 50 та клуби орасидан АҚШнинг Миллий футбол лигасининг (американча футбол) 26 та клуби, Бош бейсбол лигасининг 9 клуби, Европанинг 8 та футбол клуби ва Миллий баскетбол уюшмасининг 7 та клуби ўрин олган.
Жумладан, рейтингнинг етакчи элликталигига яна 6 та футбол клуби: “Манчестер Юнайтед” (6-ўрин, 3,81 млрд доллар), “Бавария” (17-ўрин, 3,02 млрд доллар), “Манчестер Сити” (25-ўрин, 2,69 млрд доллар), “Челси” (32-ўрин, 2,58 млрд доллар), “Арсенал” (42-ўрин, 2,27 млрд доллар) ва “Ливерпуль” (45-ўрин, 2,18 млрд доллар) киритилган.
