Шимолий Кореяда яна бир марта ракета учирилгани қайд қилинди

АҚШ разведкаси Шимолий Корея ҳудудидан янги ракета учирилишини қайд қилди. Бу ҳақда Reuters ахборот агентлиги хабар берди. 

Манба маълумотларига кўра, учирилган ракета Пхеньян жорий ҳафта учирган ракетага ўхшаш бўлиб, Шимолий Америкага хавф солмаган. Ракетанинг аниқ учирилиш вақти маълум қилинмаган. 

Аввалроқ 1 августда Шимолий Корея етакчиси Ким Чен Ин янги йирик калибрли реактив снаряд синови ортидан кузатгани ва ундан мамнун қолгани маълум қилинганди. Ким Чен Ин “бу қурол нишонига айланадиган кучлар муқаррар азоб чекишини” айтган.

31 июлда Шимолий Корея Хамген-Намдо вилоятидан, 25 июлда эса Вонсан шаҳридан бир нечта номаълум турдаги ракеталар учирганди.

Пхеньянда ушбу отишмалар ўз ҳудудига “энг замонавий ҳужумкор қуролни” қўяётган ва Сеулни АҚШ билан ҳарбий машғулотлар ўтказишга ундаётган “жанубий кореялик уруш қўзғовчиларга” огоҳлантириш жўнатиш учун зарур экани айтилган.