Шавкат Мирзиёев қисқа муддатли меҳнат таътилига чиқди

Ўзбекистон Республикаси Президенти қисқа муддатли таътилга чиқди. Бу ҳақда давлат раҳбари матбуот хизмати хабар бермоқда.

Қайд этилишича, президент Шавкат Мирзиёев 2019 йил 5 августдан қисқа муддатли меҳнат таътилига чиққан.

Давлат раҳбарининг таътили Ўзбекистон ҳудудида ўтказилиши режалаштирилган, дейилади хабарда.

Маълумотларга кўра, Шавкат Мирзиёев Бош вазир сифатида 14 йил ва Президент лавозимида қарийб 3 йиллик фаолияти даврида илк марта расман меҳнат таътилига чиқмоқда.