Хорижга ишга юбориш учун 20 000 доллар талаб қилган шахс ушланди

Бош прокуратура ҳузуридаги Департамент ходимлари томонидан тезкор тадбир ўтказилди, деб хабар бермоқда маҳкама матбуот хизмати.

Унда, «R.W.» хусусий бандлик агентлиги ходими Н.С. фуқаро У.Ж.нинг 4 нафар танишларини ўзининг юқори турувчи ташкилотлардаги танишлари орқали Япония давлатига ишга юбориш учун имтиҳонлардан ўтказганлигини важ қилиб, ҳар бир фуқаро учун 5.000 АҚШ долларидан жами 20.000 АҚШ доллари беришини талаб қилиб олган вақтда ашёвий далил билан ушланган.

Мазкур ҳолат юзасидан Н.С.га нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилган.

Бош прокуратура хабарида айтилишича, ҳозирги вақтда тергов ҳаракатлари ўтказилмоқда.