Япония Ўзбекистонга техник ёрдам ажратади

Президентнинг “Япония билан техник ҳамкорлик доирасида “Ўзбекистон – Япония маркази (VI босқич)” лойиҳасини амалга ошириш чора-тадбирлари тўғрисида”ги қарори қабул қилинди.

Ҳужжатга кўра, “Ўзбекистон – Япония маркази” лойиҳасининг VI босқичи Япония ҳукумати томонидан тақдим этиладиган техник ёрдам маблағлари ҳисобидан амалга оширилади. Дастлабки баҳолаш натижаларига кўра, мазкур маблағ ҳажми 2,9 миллион АҚШ долларини ташкил этади.

Шунингдек, қарор билан Ўзбекистон – Япония маркази фаолиятини янада ривожлантиришга қаратилган амалий чора-тадбирлар режаси ҳам тасдиқланди.

Лойиҳа икки давлат ўртасидаги техник ҳамкорликни мустаҳкамлаш, кадрлар салоҳиятини ошириш ҳамда бизнес ва таълим соҳаларидаги алоқаларни кенгайтиришга хизмат қилиши кутилмоқда.