Фото: KUN.UZ
2019 йил 6 июнь куни Жиззах вилоятининг Зомин туманида яшовчи 38 ёшли М.Э. ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.
У шу йил 5 июнь куни соат 20:00 дан 23.00 гача бўлган вақт оралиғида номаълум шахс уйига дераза ойнасини синдириб кириб, меҳмонхонасидан 15 млн. сўм пули, 650 АҚШ доллари ва 2 турдаги заргарлик буюмларини ўғирлаб кетганлигини маълум қилган. Ҳолат юзасидан жиноят иши қўзғатилган.
Кўрилган чоралар натижасида ушбу жиноятни Қорапчи қишлоғида яшовчи 27 ёшли Т.У. содир этганлиги аниқланиб, ушланган.
Тергов ҳаракатлари давом этмоқда.
