Бош вазир наманганлик тадбиркорлар билан учрашди

Ўзбекистон Республикаси Бош вазири Абдулла Арипов 20 август куни Тўрақўрғон туманида наманганлик бир гуруҳ тадбиркорларни қабул қилди.

Kun.uz’нинг учрашувда иштирок этган манбаси маълум қилишича, қўшимча ер майдонлари ажратиш, кредит маблағларини олиш, фойдаланилмаётган биноларни нол қийматда олиш, маҳсулотлар экспорти учун қўшимча ўтказиш пунктлари очиш сингари жами 30дан ортиқ мурожаатлар қабул қилинди. Тадбиркорлар томонидан кўтарилган масалаларнинг аксарияти жойида ҳал этилди.

Қолган масалаларни ҳал этиш юзасидан тегишли вазирлик ва идоралар раҳбарларига топшириқлар, тадбиркорларга тушунтириш ва тавсиялар берилди.