«Муборакгазқувурлар» бошқармаси кадрлар бўлими менежери пора билан ушланди

«Муборакгазқувурлар» бошқармаси кадрлар бўлими менежери И.Ш. 20 август куни Департаментнинг Қашқадарё вилояти бошқармаси ва Муборак туман прокуратураси ходимлари билан ҳамкорликда ўтказилган тадбирда қўлга олинди.

Маълумот берилишича, у корхона асбобчиси Н.О.ни 2019 йил май ойида сабабсиз ишга келмаган бўлса-да, ишдан бўшатмасдан олиб қолганлиги эвазига 300 АҚШ доллари талаб қилган.

И.Ш. туманнинг «Ўзбекистон» МФЙ ҳудудида Н.О.дан 2 млн сўмни олаётган вақтида ашёвий далиллар билан ушланган. 

Мазкур ҳолат юзасидан терговга қадар текширув ҳаракатлари олиб борилмоқда.