Эрон С-400 мажмуасининг муқобилини яратганини эълон қилди
Эрон ўз ишлаб чиққан янги зенит-ракета мажмуаси “Бавар-373”ни тақдим қилди. Мажмуа ўз кўрсаткичлари бўйича Россиянинг С-400 мажмуаларига яқин.
Мажмуа Теҳронда президент Ҳасан Руҳоний иштирокидаги маросимда тақдим қилинган.
Эрон президенти янги мажмуа ўз кўрсаткичлари бўйича С-400’га яқинлигини ва С-300’дан устунлигини айтган.
Руҳоний маросим вақтида Вашингтоннинг Эрон билан ядро келишувидан бир томонлама чиқишини яна танқид остига олган.
“Вашингтон халқаро ҳуқуқ ва келишувларни бузмоқда, иқтисодий террор ва босимдан ўз мақсадларига эришиш учун фойдаланмоқда”, деб айтган Эрон президенти.
Унинг айтишича. Эронда 2017-2018 йилларда ҳукуматга қарши ўтган акциялар ортида ҳам АҚШ турган.
“Америкаликлар тартибсизликлар бир неча ой давом этишига умид қилишган, бироқ Эрон хавфсизлик кучлари 5 кун ичида мамлакатда тўлиқ барқарорликни таъминлашган. Теҳрон хориждаги Эронга қарши доиралар устидан навбатдаги ғалабасига эришган”, деб қўшимча қилган Руҳоний.
Мавзуга оид
11:10 / 17.09.2024
Тошкент ва Хоразмда Ўзбекистон-Эрон бизнес-форумлари бўлиб ўтади
22:54 / 16.09.2024
Эрон президенти ўз мамлакати ядро қуроли яратиш нияти йўқлигини айтди
08:20 / 16.09.2024
Эронда Маҳса Аминий вафотининг икки йиллиги муносабати билан намойишлар ўтказилди
00:49 / 15.09.2024