Ўзбекистонда ёшлар ўртасидаги жиноятчилик кўлами сезиларли камайди

2019 йилнинг биринчи ярим йиллигида ёшлар ўртасида 3956та жиноят содир этилган бўлиб, ўтган йилнинг мос даврида бу кўрсаткич 6409тани ташкил қилган эди.

Бу ҳақда Олий Мажлис Сенатининг Мудофаа ва хавфсизлик масалалари қўмитаси аъзоси Бойматжон Расулов маълумот берди.

«Ёшлар ўртасида содир этилаётган жиноятлар сони ўтган йилнинг дастлабки олти ойига нисбатан 38 фоизга камайган бўлса-да, уларнинг умумий жиноятлардаги қисми 27 фоизни, шу жумладан ишламасдан юриб, жиноят содир этганлари 1559 нафарни ташкил қилмоқда», – дея Сенат ялпи мажлисида маъруза қилган Расуловнинг сўзларини келтирмоқда Kun.uz мухбири.