Шартли озод қилинган шахслар устидан назорат кучаяди

Олий Мажлис Сенати 18 май куни тергов ҳибсхоналарига оид қонунни маъқуллади.

Қонунга кўра:

• жазони ўташдан муддатидан илгари шартли озод қилинган шахслар устидан назорат кучайтирилиб, уларнинг ваколатли органларга вақти-вақти билан келиб рўйхатдан ўтиб туриш мажбурияти белгиланмоқда;
• судга шартли озод қилинган шахс зиммасига юклатилган мажбуриятларни тўлиқ ёки қисман бекор қилиш масаласини кўриб чиқишда адвокат ёки шахснинг ўзи илтимоснома киритиши учун имконият яратилмоқда;
• шартли озод қилишни бекор қилиш тартиби аниқлаштирилиб, ушбу масалаларни кўриб чиқиш маҳкум истиқомат жойидаги жиноят ишлари бўйича туман (шаҳар) суди судяси томонидан ҳал қилиниши назарда тутилмоқда;
• шартли озод қилинган шахслар устидан назоратнинг ҳуқуқий механизмлари, уларнинг мажбуриятлари ва назоратни тугатиш тартиби белгиланмоқда;
• тергов ҳибсхоналарида ушлаб турилган шахслар дам олиш ва ишланмайдиган байрам кунлари камида икки соат сайр қилиши ҳамда қўшимча тарзда кийим-бош ҳамда поябзал олиши белгиланмоқда;
• тергов ҳибсхоналарида ушлаб турилган шахслар озиқ-овқат маҳсулотларини ва энг зарур нарсаларни сотиб олиш учун уларга белгиланган пул миқдори меҳнатга ҳақ тўлаш энг кам миқдорининг бир бараваригача оширилмоқда.

Сенаторлар қонунни маъқуллади.