Польша АҚШдан 32 та F-35 самолёти сотиб олмоқчи 

Польша ҳарбий модернизациялаш доирасида АҚШдан 32 та F-35 қирувчи самолёти сотиб олмоқчи. Бу ҳақда Польша маъмуриятининг юқори лавозимли  вакили хабар берди. 

Унинг айтишича, аввалроқ АҚШ ва Польша президентлари Польшада АҚШ ҳарбий контингентини минг кишига оширишни кўзда тутувчи келишувни имзолашган.

F-35’дан Туркия ҳам сотиб олмоқчи бўлганди, бироқ АҚШ Анқара Россиядан С-400 мажмуаларини сотиб олгани сабабли самолётларни сотишни тўхтатган.