Юнусободда «ВАЗ-21061»ни ўғирлаган шахс Қибрайдаги постда қўлга олинди

2019 йил 25 август куни номаълум шахс Тошкент шаҳрининг Юнусобод тумани Янги шаҳар кўчасида жойлашган автомашиналар турар жойида қаровсиз қолдирилган Марказ 5-даҳада яшовчи 60 ёшли Н.М.га тегишли “ВАЗ-21061” русумли автомашинасини ҳайдаб қочган.

Ўзбекистон Республикаси ИИВ Жамоатчилик ва ОАВ билан алоқалар бошқармаси маълумотида айтилишича, кўрилган чоралар натижасида ушбу жиноятни Қорақалпоғистон Республикаси Тўрткўл тумани “Мўйноқ” ҚФЙда яшовчи 37 ёшли М.М. содир этганлиги аниқланиб, Тошкент вилояти Қибрай туманидаги постдан ўтаётган вақтида ушланган. 

Ҳолат юзасидан жиноят иши қўзғатилиб, тергов ҳаракатлари олиб борилмоқда.