Фалькао «Галатасарой» билан шартнома имзолади

«Монако» ҳужумчиси Радамель Фалькао «Галатасарой» сафига ўтди.

33 ёшли форвард ёзда монегаскликлар жамоаси унги янги шартнома таклиф этмагани ва таклифларни кўриб чиқишини маълум қилганди. У ўзига энг жиддий қизиқиш билдирган истанбулликлар клубини танлади ва эркин агент сифатида шу клуб футболчисига айланди

Колумбиялик ҳужумчи янги жамоаси билан 3 йиллик шартнома тузди, унинг бу клубдаги йиллик маоши 5 миллион еврога тенг.

Истанбул халқаро аэропортида уни 25 минг киши кутиб олди.

Ўтган мавсумда Фалькао монегаскликларнинг Франция чемпионатидаги 33 учрашувида майдонга тушиб, 15 гол урганди. У бу мавсумда жамоа ўйинларида иштирок этмаган.