2019 йил 4 сентябрь куни Париждаги (Франция) Orano Mining қароргоҳида Давлат геология қўмитаси раиси Бобур Исломов ва компания президенти Николас Маэс Навоий вилоятида истиқболли уранни босқичма-босқич қидиришга қаратилган, аниқланган конларни ўзлаштириш ва тайёр маҳсулотни сотиш билан лойиҳанинг техник-иқтисодий асосини ишлаб чиқиш бўйича қўшма корхона тузиш тўғрисида битим имзоладилар.
Геология қўмитасининг Kun.uz’га хабар беришича, халқаро уран бозорида муҳим тажриба, амалиётга эга ва барқарор ўринга эга бўлган Orano Mining компанияси билан ишончли шерик билан ҳамкорлик, шунингдек, томонларнинг ваколатлари ва тажрибасини бирлаштириш қўшма корхона асосида лойиҳаларни муваффақиятли ривожлантиришга ёрдам беради.
Маълумот учун, Orano - бу йирик халқаро француз саноат компанияси, Франциядаги ядро саноатининг етакчиси ва ушбу йўналишда дунёнинг энг кучли 3 етакчиларидан бири.
Имзоланган Битимга мувофиқ, Давлат геология қўмитасининг қўшма корхонадаги улуши геология ва илгари бажарилган қидирув ишлари давомида олинган бошқа маълумотларнинг тарихий харажатлари, Orano Mining компаниясининг улуши нақд пул ҳисобидан шакллантирилади. Инвестиция лойиҳаси доирасида бошланғич босқичда 20 миллион долларгача, тўғридан-тўғри тижорат майдони очилса, тахминан 150 миллион долларга тенг тўғридан-тўғри хорижий инвестицияларни жалб қилиш кўзда тутилган.
Лойиҳани амалга ошириш халқаро амалиётда кенг қўлланиладиган маҳсулотларни янада қулай шароитларда сотиш билан замонавий бошқарув усулларини жорий этиш ва йилига 1500 тонна уран оксиди ишлаб чиқариш билан 300 дан ортиқ янги иш ўринларини яратиш имконини беради.
