ОПЕК жамғармаси Наманганда сув таъминотини ривожлантиришни молиялаштиради

Лойиҳа ТИАнинг асосий техник-иқтисодий параметрлари Вазирлар Маҳкамасининг 2019 йил 5 сентябрдаги 739-сон қарори билан тасдиқланган, деб ёзмоқда Norma.
 
Минтақанинг сув таъминотини яхшилаш бўйича беш йиллик (2020-2025 йиллар) лойиҳа Заркент, Ходикент, Исқовот, Булоқбоши, Ёшлик шаҳарчалари ва Наманган шаҳрини қамраб олади.
 
Умумий қиймати - $68,05 млн. Ундан $53,96 млн - ОПЕК халқаро тараққиёт жамғармасининг 5 йиллик имтиёзли даврни ўз ичига олган 20 йил муддатга берилган қарзи. Эквивалентда $14,09 млн – Ўзбекистоннинг солиқ ва божхона имтиёзлари бериш, шунингдек, инвестиция даврида молиявий чиқимларни тўлаш тарзидаги ҳиссаси.
 
Уй-жой коммунал хизмат кўрсатиш вазирлиги ҳузуридаги “Коммунхизмат” агентлиги лойиҳа амалга оширилиши, хорижий қарз маблағларидан мақсадли ва самарали фойдаланилиши учун масъул бўлган ижро этувчи орган ҳисобланади.
 
Ҳужжат 5.09.2019 йилдан кучга кирди.