Покистон миллий авиакомпанияси бирорта йўловчисиз 82 та рейс жўнатди  

Покистон миллий авиакомпанияси Pakistan International Airlines (PIA) 2 йил ичида бирорта йўловчи бўлмаган 80 дан кўпроқ рейс жўнатган. Бу ҳақда Geo News TV нашри хабар берди. 

Нашр олган ҳисоботда юқоридаги рейслардан 46 таси мунтазам рейс бўлгани, 36 таси ҳажга борувчи зиёратчилар учун махсус ташкиллаштирилгани қайд этилган. Бироқ бу рейслардан ҳеч ким фойдаланмаган. Натижада авиакомпания 180 млн Покистон рупийси (1 млн доллардан кўпроқ) миқдорида зарар кўрган. Аммо ҳукумат бу масала бўйича ҳеч қандай тафтиш ўтказмаган. 

Авиакомпания вакиллари ушбу ҳолатга изоҳ беришмаган.