Қонунбузарнинг нақд хорижий валюталарни олиб чиқиш режаси чиппакка чиқди

Божхона органлари томонидан нақд хорижий валюталарни ноқонуний тарзда олиб чиқишга бўлган уринишлар ўз вақтида бартараф этилмоқда.

Жумладан, Андижон вилояти божхона бошқармаси Дўстлик чегара божхона пости ходимлари томонидан қўшни мамлакатга чиқиб кетаётган фуқаро С.А.нинг хатти-ҳаракатлари божхоначиларнинг эътиборини тортди ва ушбу шахс белгиланган тартибда назоратдан ўтказилди. Бу ҳақда Давлат божхона қўмитаси ахборот хизмати хабар бермоқда

Натижада, ушбу шахснинг ёнида декларацияда кўрсатилмаган ва божхона ходимларининг оғзаки сўровида маълум қилинмаган 10 660 АҚШ доллари борлиги аниқланди.

 Ҳозирда юқоридаги ҳолат юзасидан божхона органлари томонидан суриштирув ҳаракатлари олиб борилмоқда.