Атлантика океанида йўқолиб қолган Bourbon Rhode кемаси чўкиб кетгани маълум бўлди

Атлантика океанида довулда қолган Bourbon Rhode кемаси чўкиб кетди, ҳозирча уч киши қутқарилган. Бу ҳақда кема эгаси бўлган компания маълум қилди.

"Кема чўкиб кетганлиги тасдиқланди", - дейилади компания матбуот релизида.

Аввалроқ Украина ташқи ишлар вазирлиги Атлантика океанида Bourbon Rhode кемаси йўқолиб қолганлиги, экипаж аъзолари орасида ўнга яқин Украина фуқаролари бўлганлигини хабар қилганди.

Маълумот берилишича, қутқариб олинганларнинг икки нафари украинлардир.

Қутқарувчилар Франция ҲДК билан ҳамкорликда экипажнинг қолган аъзоларини топиш учун барча чораларни кўрмоқда. Аксарият савдо кемалари ёрдам кўрсатиш мақсадида ўз йўналишларини ўзгартирган.