Перу президенти Мартин Вискарра / Фото: Andres Valle/AP/dpa
Перу президенти Мартин Вискарра конгрессни тарқатиб, 2020 йил 26 январда парламент сайловлари ўтказилишини эълон қилгач, парламент бунга жавобан президентни вақтинчалик лаёқатсиз деб эълон қилиб, унинг ўрнига вице-президент Мерседес Араосни тайинлади.
Араос президентнинг конгрессни тарқатиш қарорини ноқонуний деб атаган.
Парламент, шунингдек, БМТ Бош ассамблеяси ва Америка давлатлари ташкилотига “демократияга таҳдид солинаётгани” ҳақида мактуб йўллаган.
Президент лавозимини 2018 йил 24 мартдан эгаллаб келаётган Вискарра депутатлар унинг конституцион суд ислоҳотига қарши чиққанлари учун парламентни тарқатмоқчи бўлган.
