Бағдод губернатори тартибсизликлар ортидан истеъфога чиқарилди

Фото: Reuters

Ироқ пойтахтида бир неча кун давом этган тартибсизликлар ортидан куни Бағдод губернатори Фалоҳ ал-Жазоирий истеъфога чиқарилди. Бу ҳақда Al Hadath телеканали хабар берди.

Хабарда айтилишича, беш кун давомида вакант лавозимни эгаллаш учун номзодлардан аризалар қабул қилинади.

Якшанба тонги Ироқ пойтахтида сўнгги кунлар ичидаги энг тинчи бўлди. Телеканал маълумотига кўра, мактаблар ва давлат идоралари ўз фаолиятини қайтадан бошлади.

Биргина шанба куни Бағдодда хавфсизлик кучлари билан тўқнашувларда камида 19 киши ҳалок бўлди - намойишчиларни тарқатиб юбориш учун полиция ўт очди ва кўздан ёш оқизувчи газдан фойдаланди.

Октябрь бошидан бери Ироқнинг турли қисмларида ёмон яшаш шароити ва коррупцияга қарши намойишлар тартибсизликларга айланиб кетганидан буён мамлакатда 100 дан ортиқ киши ҳалок бўлди. Энг шиддатли тўқнашувлар Бағдодда юз берди.