Хоманаий: Эрон ядровий бомба яратиши мумкин эди, аммо бундай қилмади

Фото: РИА Новости

Эрон ядровий бомба яратиши мумкин эди, аммо бундай қилмади, деди Эрон олий етакчиси Али Хоманаий. Унинг сўзлари олий етакчининг расмий веб-сайтига жойлаштирилган.

"Биз бу йўналишда бора олишимизга қарамасдан, ушбу қуролларни ишлатиш қатъиян тақиқланганлигини эълон қилдик, айнан шу боис фойдаланиш тақиқланган бундай қуролларни ишлаб чиқариш ва сақлаш учун пул сарфлашга сабаб йўқ", - деди Хоманаий.

Эрон олий етакчисининг сўзлари Ғарбда Эроннинг ядровий қуролга эга бўлишига йўл қўймаслик тўғрисида бир неча бор таъкидлар билдирилиши ортидан янгради.

Эрон ҳар сафар мамлакат ядровий қуролга эга бўлиш ниятида эмаслигини таъкидлаб келади.